Thursday, May 05, 2005

രണ്ടു ശ്ലോകങ്ങള്...

എന്റെ അല്‍പജ്ഞാനം ആപത്തെന്നറിയാമെങ്കിലും, കേട്ടുമറന്ന ഈ രണ്ടു ശ്ലോകങ്ങള്‍, ഒന്നു ശരിയാക്കുമോ?...

കര്‍മ്മേണ്ണ്യ ദാസി, കാര്യേഷു മന്ത്രി, ശയനേഷു രംഭ....

ഉഡുരാജ മുഖി, മൃഗരാജകടി,
ഗജരാജവിരാജിത മന്ദഗതി.

ഇതൊക്കെ ആരെഴുതിയതാണു?

ഒരു സംശയം കൂടി : സിംഹത്തിനെ പോലെ കടിക്കുന്ന പെണ്ണിനെയാരു കെട്ടും?

നേരെചൊവ്വേയുള്ള പെണ്‍പിള്ളേരെ കിട്ടാന്‍ തന്നെ വലിയ പാടല്ലേ?

2 comments:

Anonymous said...

lol... kaTi = waist/hip :)

ഉമേഷ്::Umesh said...

ശയനേഷു രംഭ... ആഗ്രഹം കൊള്ളാം ഏവൂരാനേ...

ഇങ്ങനെയാണു്‌ ആ ശ്ലോകം:


കാര്യേഷു മന്ത്രീ, കരണേഷു ദാസീ
രൂപേഷു ലക്ഷ്മീ, ക്ഷമയാ ധരിത്രീ
സ്നേഹേഷു മാതാ, ശയനേഷു വേശ്യാ
ഷട്കര്‍മ്മനാരീ കുലധര്‍മ്മപത്നീ.


മറ്റേ ശ്ലോകം ഇവിടെ കാണാം. ഈ സംസ്കൃതശ്ലോകം എഴുതിയ ആള്‍ക്കു മലയാളത്തിലെ കടി അറിയില്ല. അതുകൊണ്ടു മൃഗരാജന്‍ കടിക്കില്ല -- പണ്ടു്‌ ആ പട്ടി ചെയ്തതുപോലെ. കടി അഥവാ കടിപ്രദേശം എന്നുപറഞ്ഞാല്‍ അരക്കെട്ടിന്റെ മുന്‍ഭാഗം എന്നര്‍ത്ഥം.

അടുത്ത തവണ സിംഹത്തെ കാണുമ്പോള്‍ അതിന്റെ കടിപ്രദേശം എങ്ങനെയുണ്ടെന്നു തൊട്ടുനോക്കാന്‍ മറക്കേണ്ടാ. നമുക്കു പട്ടിക്കഥ പോലെയൊരു സിംഹക്കഥയും കിട്ടുമല്ലോ.